足球赛事资讯

  • 严禁互联网违法犯罪行为
本网资讯仅供购买中国体育彩票参考之用
  

内容标题:

狼隊頂到列斯聯

擅打突擊食住「狂人戰術」
今晚英超壓軸尾場,列斯聯主場硬撼狼隊列斯聯事隔16年重返英超,喺「狂人」比爾沙帶領下,表現令人面前一亮,不過過於進取嘅打法,難免令防線裂痕曝光,反而益晒擅打穩守突擊嘅狼隊,受讓必捧讓球客勝。(Now 621周二破晓3時直播)

「狂人」教頭比爾沙一向進攻大過天,唔單止首輪對利物浦僅輸3比4之役,逼到紅軍有氣冇碇抖,上仗聯賽打和曼城1比1,成班波恰似有用唔完嘅體力,製造大量攻門,因此唔係列斯聯搶分乐成,而係「藍月亮」幾經辛苦先保住1分,連同之前連贏富咸同錫菲聯,站穩中游絕不失禮。

列斯聯失球率偏高牙煙
老實講,列斯聯嘅進攻打法係好睇,不過全隊谷得太前,令防線裂痕百出,今季聯賽入咗9粒,但失番8球,連輸畀佢哋嘅富咸都執到3粒,主力中堅李安谷巴今仗亦因傷倦勤,後防都咪話唔牙煙。

狼隊開季聯賽2勝2負,但除咗慘吞韋斯咸4蛋表現反常外,其餘幾場都表現對辦。最重要係主帥紐奴帶領下,狼隊堅持穩守突擊嘅打法,盡量縮後鞏固防線,然後操作快翼艾達馬查奧爾打反擊,箭頭魯爾占美尼斯今季已有2球進帳,保持弓手本色,造訪全軍壓上嘅列斯聯,大把空位打快攻。加上雙方近3次正面交鋒,狼隊全部贏晒,个中2次更係作客添,格食格下唔赦列斯聯,讓球客勝值得捧場。

本文由发球网发布,不代表我们立场,转载联系作者并注明出处:http://www.556676.com

  Copyright © 2002-2020 556676.com【发球网】
声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何关系。链接的广告仅限于体育或中国足彩推荐信息、不得含有色情、政治或博彩信息,如有违反国家法律规定的,本网有权随时予以删除,并保留与有关部门合作追究的权利。